|
||||||
|
有一天晚飯後，我與柏雅到了政大校內的遠流書城(前身為政大書城)逛 順便幫我媽買《圖解心經》！ 然後，我看見了一本封面毫不吸引的書： 跟著，覺得某些東西有點眼熟… 然後發現！除了電腦的熟悉的，連人都識架！ [最左：elc同學；右二：書節同事] 於是我便打開該書，一打開，就見到「城大創意媒體」的chapter！ 然後，細看文章，發現該chapter是訪問Louisa的！ 翻到後頁，更離奇的事情發生了！ 我見到Jose！ [左至右應該是：julian - phil - jose] 唔…柏雅係咁叫我買左本書佢/// 大家都覺得我來台台都每日只有食同玩 其實我已經開學一個星期了 今天是正式上課(上星期是簡介堂) 第一堂是色彩理論 不知道是否受我影響，我組砌的色環錯到離晒譜:p 然後我發現有人用acrylic來畫色環…頂，早知我不用搵廣告顏料搵咁耐。 這是另一件事情： 話說，我在香港一直沿用的廣告彩是小小的牙膏膠瓶裝，擠出來的。 然後我心就一直想要買我腦中的廣告彩啦… 怎料，我走了好幾間台北的文具店都找不到!!!只有看見像白蘭士雞精大小般的玻璃瓶裝!!(大約是像模型油咁)，仲要貴過香港的… 都找了好一陣子，還跟文具店的人說，他們都說沒有第二種包裝。 問羊仔，佢話玻璃瓶裝的是存在，色準但很難用…死都不要買 最後不能再找，要上課了，於是屈服…(因為廣告彩沒甚麼用呀…) 所以上堂時知道可以用acrylic代替氣死我了…(因為acrylic比較有用呀!!!!!) 老師還安慰我說acrylic貴呃嘛…(但用剩會有用過廣告彩…嗚嗚) 當從新認識一種素材吧… 吃了個泡麵後，就上山上另一堂：基礎靜態攝影 今日教黑房晒相:p…老師常搞爛gag…全班都一直在笑 不我跟澳門同學Zen都聽不明白一直滴汗… 放學後立即趕去西門町拎野俾涼粉…然後送他們上公車就走了 回到學校時收到一個意外的消息，我跟karen就趕去醫院了 是我們兩個以外的另一個城大交換生俾車撞倒.. anyway，她已好多了，不過要留院就是… 過馬路要小心呢..台灣的車很狼死… 終於記返呢日做過d乜 就係 國際新生簡介會 一早要起身聽副校長講野… 中段超好味的tea及cityu另一交換女生之發現 然後學生輪流介紹學校/台灣/景點/生活所需/visa… 午餐 其實整個早上都在訓!!! 吃了午餐，沒有去參觀校園 訓完karen房，我又上返自己房訓 直到我同房看不過眼，五點叫醒左我 六點左右餓了 與karen到校門外看似高級的料理晚餐 牛肉鍋與豚肉鐵板，白飯任裝仲有杯綠茶 好抵，要常來吃 發生的事太多了！不能盡錄： - 下機後發現機場好像變了樣！嚇死我… 原來我是在terminal 1，而karen的機在terminal 2下 聰明的我，乘了小小的無人駕駛列車過去 又問路才找到上次過台灣的入境大堂 途中有個台灣伯伯跟我說了近半鐘的外星文…我一直不知佢講乜在擰頭… 後來聽到句「Nip-pon-do des-ka?」才知道佢講緊日文… =.= - 乘旅遊巴到敦孝復興站轉的士 遇上超好客的的士司機，一直在講一直才講 還教我們唸「木柵」(學校的所在地區) 不過他一直在講，車開得好慢 然後我們到學校時已經近四點五十分！(去報到國際交流中心五點就要關門！) 那中心還要在山上，於是司機又要問路上去(這時司機說的突然變了閩南話@@”) 上到山，見到橦樓，可是又找不到門口!!!! 急死我們 我們看見門就下車敲(司機也幫手了) 但都無人開門 後來在一個不像門口的地方找到電梯，Karen就乘了上去，終於找到…一額汗” - Karen找到的是國交中心裡一個打工(剛放工)的女生，叫Alice Karen說她講話很快，我覺得還好，是細聲又溫柔那種。 她幫Karen拿了個超重背包，然後我們又一起等校巴下山(像中大!) 但校巴是高地台的，我們完全拎唔到行李箱上去，因為太重了… 有個男生路過過去幫我們一手拎左上去@@”…然後就走了…超帥(是行為la) 然後下車時也有個男生問我「需要幫忙嗎？」「當然好…」 哈…男同學們都很好呀！！ - 我住在9舍4樓 房間裡已經有3個人在住了 兩個台灣女生，還有一個日本女生！ 不過我只見到一個台灣女生，另外的還未回來..旅行去了 - Karen到達她房間時，房裡只有一個外國女生，但她以純正的國語(普通話？)告訴我們房裡已經住了四個人 (在政大裡，見到外國人都聽見他們說國語，好奇妙！) 後來Karen給調了去一間地下的吉房!!一個人獨佔! - Alice帶我們出去買日用品，然後便走了。(她在趕時間) 因為台灣是硬床，所以我們買了薄薄的床”肉”(國語是床”電”)…但依然硬 還有枕頭! 拿回去時一片狼狽.. - 之後我們再出發往福利社，不過不懂路，想前去問人時… …竟然遇上了傳教的同學們… 其實她們擔不擔心我們聽不明白… - 福利社嘛..就是城大的cut price的形成，但貨品比得上超巿那麼齊全。 不過，我們想要進去買東西時，那個cashier姐姐叫我們填form 張form原來是指要成為社員，要俾一百蚊台幣入股(!?)，還會有分紅的… [...] 是的，我買了華航的機票往台北。 原本在yahoo! news知道新聞，是沒有太驚慌。 不過第二天賣晒報紙頭版，無可能當睇唔到囉… 而十分鐘後竟然收到Karen買了港龍的電話，立時覺得…有點驚喎。 不過我依然沒有再買機票的衝動。 Karen後來說是Frankie叫她買第二間的機票的，我立刻告知某羊，點知換來的反應是：「邊有咁易死？」 心灰意冷。 回家告知媽媽，其實我媽沒有太大所謂，反正錢又不她俾，如果要俾肉痛的是我！~ 我細佬作出超出我估計的推理：「因為間航空公司多意外，所以d 職員既應變能力較強！」 所以，仍然沒有再買機票的衝動。 今天見到阿屎，佢話，原來台灣的飛機不像香港，通常架機arrive後落晒人不用檢查就可以再飛，但香港是不行的。所以，基本上由香港飛去台北的一程是較安全的。台灣飛返黎…就唔敢講:p 還有，我記得阿屎講過，大部份飛機的意外，都是人為的。飛機是非常安全的交通公具呢。 所以，真係無再買機票的衝動。 我還想到呢，其實就算有咩三長兩短…… ~有保險賠，仲有航空公司賠錢，話唔定仲有仁濟緊急援助基金！起碼屋企不用為錢擔憂~ ~報紙：以「城大交換生」呢個名出現在報紙上~ ~我成日都驚有一日死左會無人知，咁唔會啦卦~ ~在人生都幾光輝的一剎死去…感覺…就好似當紅歌星突然話要退隱去結婚的感覺一樣!!!!!~ …….我知我想得太多了吧，哈哈哈！！！ 其實，最驚唔係會有咩意外，反而擔心一個人搭飛機會驚呀！！！！！嗚~~ Francis是插畫的同學仔(差點想講同學佬!) cityu的畢業生，英文+cs 正職是印刷 副業最近變了室內設計 興趣是影相 其實佢影姐姐(!)，影得好有心機同好靚呢。 當晚幾本上是影友聚會吧…成檯都是靚姐姐 我們插畫組的，坐另外一張XD 我幫他弄魚尾紋..哈！ ANDY支魚眼影到我好鬼樣衰呀… 最近被網頁纏身，電腦連續一星期沒關機開住dreamweaver及photoshop，暈倒～ http://www3.cciv.cityu.edu.hk/~07group4 cciv03四川之旅的報告網頁，貼出黎，因為…… 我覺得呢個是自識寫網頁以來最懶型及真係幾靚的作品仔。 (我覺得姐XD) 還有另一個，尚在進行中。 +++++ 不停的做網頁之餘，有空閒便去返工。 點知…我高估了自己能力 事源這星期每天訓得四小時左右，昨晚整網頁到朝早三點先訓，可是因為民政處工作今朝六點起床！ 捱到中午工作完結，碌回hall做網頁，極速做埋英文version。 跟住兩點要返SRO，見有小小時間，諗住訓一陣。結果就出事啦！ 訓到四點半先醒！嗚…被SRO扣分扣死了… 最慘是，88蚊無左呀！好慘呀～～～ +++++ 是晚與CODY慶生日晚餐，佢現做GAME的ILLUSTRATOR，超正！ 唉，但被罵我變了，變得勢利且愛錢了。佢話我忘記夢想了… 我也不想這樣。 某天中午下著大雨，可是下午又突然放晴，曬得像蒸爐一樣。 我與某羊一起行cityu的”山邊小徑”回宿舍，途中見到有只蝸牛在路中心很辛苦的走著。 我：「呀…隻蝸牛好辛苦，不如幫佢返去d草度。」 羊(面有難色)：「o下？」 我：「佢會曬死呀！」 羊：「唔會啦，走啦…因為鼻塞先走出黎架。」 我：「o下？………鼻塞？」 羊：「係呀，快d走啦。」 我：「蝸牛有鼻架咩…？」 …………良久，我才知道，原來，羊仔講緊「地濕」……………. 今天(18/6)開始了，為期三天，大家來cityu看看吧:) 今日一早起身，返city啦:wink: 其實係返去英文pre-test(注意：pre而已) 早前講過，我無考AL，所以要考呢個試，睇下我黎緊可唔可以讀lanuage course定係要修返ELC攪既英文course (我解黎做乜？有人想知嗎？) 開頭睇完封信同聽完鼠鼠講諗住都唔難的 今日返到去遲左小小，又係搵課室累事 坐下後，望住d instruction都有d深字唔明 題目係「母語教學適合中學生……云云」 我先醒覺原來形式係辯論題 篇essay既vocab都深呀，好幾十個字唔識 開始驚啦，睇得好慢… 佢個有鐘計時間，我一直都比佢d時間慢… 睇完篇文就睇+聽video 個外國人講既英文非常清楚，又好好聽:grin: 加埋頭先篇文消化左，又開始感到好淺姐… 再下一part係錄音… 先寫段野 我又係花左好多時間寫… 跟住講同錄 佢provide左部MD…但係我攪左好耐先識用… 結果唔小心錄左2段!… 呀…算啦，pre test之嘛！ 興此同時，我聽到…有個人，將instruction讀左做introduction… 我即時 信心大增！ 最後一part寫文 好短的 寫(其實係打)得勁快同亂黎 yeah~反正係pre test之嘛！ 早左五十幾分鐘完成~~呵呵 之後..開始我的嘔錢之旅 ++++++++++++++++++++++++++ 離開凍到震的city大樓，遠遠就見到d soc係度拉緊新生入ocamp 我走入左那個area，可是沒有人理我:cry:!? 此時我才見到好多相信係新生的，身上都有顏色LABEL一張… 始時我便沿路走…搵搵搵cm個counter…搵到又發現無人喎！ 跟住，見到有個room，入面相信係d細soc既檔口… 行左入去，終於有一個見我慌失失咁，就問我係咪新生啦… 佢見我乜都無拎住…於是叫我行返出去，搵左個姐姐接濟我… 個姐姐應該係SU既…佢叫我去大O啦~ 咁我本身都想去既，於是問埋佢細O係幾錢，就一齊落左去禁錢先~~ 禁完上返黎先知，大O原來有限每個DEPT既人數，咁…CM額滿啦喎(後尾又聽到人講收7個架咋!)… 放左係WAITING LIST…仲紅筆鬼咁大隻字寫住NON-JUPUS落去… 茫茫然咁樣經過一大堆一大堆OCAMP COUNTER，去到CM依然無人… 吼~ 掛住個勇字衝左入去細SOC那個AREA啦！ 一入門口俾欖球哥哥捉住左… [...] |
||||||
|
Copyright © 2012 公主愛生活 – 愛死你篇 - All Rights Reserved |
||||||
Recent Comments