今年有d咩事發生過？ 講真…感覺不太深… 約半年公式化的上班生活，已令我把生活二字與朝八晚四劃上等號…
。一月。 十九歲最後一天。 有煙花的生日。 第一次俾某人罵到喊，喊到震，為左我唔肯買褸。
。二月。 凍爆大專賽@科大0208。 終於有男朋友一齊過的情人節。 0217……………。 馬會學賭波。
。三月。 月頭發生左一d驚既事…仲要一個人去面對。 去左尖咀睇五月天live。 買新printer，某L幫我拎返屋企。 與阿曉不眠不休趕PROJECT、趕REPORT，型到通頂做好既早上打俾SIR EMAIL俾佢交。 睇RUGBY7人@大球賽，(有人)執到好多欖球仔。 月尾轉左電話個台去SMARTONE。
。四月。 第一次一齊去WILDCAMP。 第一次刻意唔聽某人電話。 營救因傷入左瑪嘉烈大佬。 狂趕ILLP還有報U的PORTFOLIO。 突然愛上影PANO。 FYP PRESENT遇上訓著左的阿SIR。 0425畫左PUMA兔仔版。 狂煲《薔薇之戀》。
。五月。 行旺角俾人偷左我部心愛的8310。 買返新電話係PHILIP既535，超級大佬版。 睇完全套《薔薇之戀》(欠大結局一集)。 MOBILE平時分唔合格要補堂。 迷上TRANSPORT TYCOON，做巴士大王。
。六月。 考試考到天昏地暗。 被白蟻咬到七零八落既床終於換左，掉左房間好多野。 考試完左中左Gunbound毒，打打打!! 南丫島三日「微爛」之旅。 整大佬tee。 多謝Sammy教我整到database開始php opensource研究。 收到阿Keith通知要補考Mobile。 搵工。
。七月。 大佬Tee正式發售。 見左第一份工。 見第二份工。 係學校趕工程師學會Logbook時收到電話話份工請左，正式成為北角官小上午校教學助理一個。 起勢買衫扮斯文。 月尾趕溫書，多謝遠仔教我。 0729補考當天落大雨淋到九彩。 [...]
Recent Comments